சீமான் – வினையும் எதிர்வினையும்

LTTE , பிரபாகரன் மற்றும் சீமான் 

ஈழத்தமிழர்களை வைத்து தமிழகத்தில் அரசியல் செய்வது என்பது, தமிழில் அ..ஆ கற்பதற்கு சமம். ஆண்டுக்கு 12 மாதம் என்றால், தமிழக அரசியலில் 2 மாதம் காவிரிக்கும் 1 மாதம் ஈழத்தமிழர்களுக்கு என்று பிரித்த்து வைக்கப்படும் . பல ஆண்டு காலங்களாக இந்த அரசியல் செய்யப்பட்டடு வருகிறது. கருணாநிதி, MG ராமச்சந்திரன், ஜெயலலிதா என்று  முதல்வர்களில் ஆரமித்து, சத்தியராஜ் போன்ற occasional போராளிகள் வரை, இதற்க்கு விதிவிலக்கல்ல. இதை மட்டுமே வைத்து அரசியல் செய்பவர்களும் உண்டு, உதாரணம் வைகோ. ஈழத்தமிழர்களை பற்றி இவர் பேசாத இடமில்லை, போராடாத இடமில்லை என்றாலும், இதனால் இவருக்கு என்ன கிடைத்தது என்றால், பெரிதாக ஒன்றும் இல்லை என்றே சொல்லவேண்டும். 

வைகோ  ஒரு எமோஷனல் ஆன மனிதர், அரசியலில் எமோஷன் பெரிய தாக்கத்தை ஏற்படுத்தும் வல்லமை கொண்டதாக இருந்தாலும், வைகோவின் பல முடிவுகள், முக்கால்வாசி நேரங்களில் தோல்வியிலும் , சோகத்திலுமே முடிந்திருக்கிறது. இவர் போன தலைமுறை அரசியல்வாதி என்பதால் , இவரால் இணையத்தளத்தில் பெரிய தாக்கத்தை ஏற்படுத்த முடியவில்லை என்பதே உண்மை. இது தான் திருமுருகன் காந்தி, சீமான் போன்றோரின் வளர்ச்சிக்கு உதவியாக இருந்தது. 

பிரபாகரனின் போராட்டங்களை ஒதுக்கி வைத்து பார்த்தல் , அவரை பற்றி ஆயிரம் கதைகள் உண்டு, முக்கால்வாசி வன்முறை தான். 1990களில் இஸ்லாமியர்களுக்கு எதிரான காட்டங்குடி படுகொலை, ராஜிவ் காந்தி படுகொலை என்று சொல்லிக்கொண்டே போகலாம். உண்மை இப்படி இருக்க, தமிழக இஸ்லாமியர்கள் பிரபாகரனுக்கு ஆதரவு தெரிவிப்பதெல்லாம் காமெடி.

இதைவிட பெரிய காமெடி,  அண்ணண் சீமானின் பிரபாகரன் சார்ந்த கதை மற்றும் திரைக்கதை. இது அண்ணாவின் ஒரு முகம் தான். 

November 8, 1966 , ஐப்பசி மாதம் .. இந்த மாதத்தில் தான் அமெரிக்காவில் ரொனால்ட் ரீகன் கலிபோர்னியா கவர்னர் ஆகிறார், Gordon Ramsay எனும் புகழ்பெற்ற சமையல்காரர் பிறக்கிறார். ஆனால் இந்த நாள் பிரபலம் அடையப்போவது இவர்களால் இல்லை .  இந்த நாள் தமிழினத்திற்கே மிக முக்கியமான நாள். இந்த நாளில் தான் தமிழின தலைவன், சிந்தனை சிற்பி, சைனைடு குப்பி , ஆமைக்கறி வேந்தன், செந்தமிழன் சீமான் பிறந்த நாள். ஏசு பிறந்த அன்று எப்படி ஒரு நட்சத்திரம் வானில் தென்பட்டதோ, daenerys targaryen எப்படி ஓர் நட்சதிரத்தை  வானில் பார்த்தாளோ , அதே போல் சீமான் பிறந்த அன்று வானென்ங்கும், ஏன் இந்த பிரபஞ்சமெங்கும் ஒரு அற்புத ஒளி வீசியதாக , டிக் டாக்கில் ஒரு 16 வயது மதிக்கத்தக்க தம்பி கற்பூரம் அடித்து சத்தியம் செய்தார்(பி.கு. இவரின் நாடார் கிடட வம்பு பண்ணாதே என்ற டிக் டாக் பாடல் உலக பிரசித்தி பெற்றது)  . உண்மையாகத்தான் இருக்க வேண்டும்.. 

ஏன் என்றால் தம்பிகள் பொய் சொல்ல மாட்டார்கள்.. 

சீமான் அண்ணன் பிறந்து ஒரே ஆண்டில் தமிழை வைத்து ஆட்சி கட்டிலில் ஏறியது திமுக அதாவது அண்ணன் பிறந்து வளர்ந்து ஆறு மாதங்களில் புரண்டு படுக்க ஆரம்பிக்கும் போதே தமிழினம் வாழ ஆரம்பித்து விட்டது. இது ஏதோ அண்ணாதுரையின் தமிழால் நிகழ்ந்தது என்று நினைத்தால் , நீங்கள் தமிழர் இல்லை என தம்பிகள் முடிவு செய்து விடுவார்கள் .

எது எப்படியோ தமிழன் திராவிடன் ஆகி நாட்டை ஆட்சி செய்ய ஆரம்பித்தான் .. குழந்தையாக இருந்த அண்ணன் இதை பார்த்து வளர்ந்தார் ..  அவர்களின் அத்தனை செயல்களையும் நோட்டம் விட்டு கொண்டிருந்தார் .. சமயம் வரும்போது தாக்குவோம் என்று.. இவர் சிறுவயதில் இப்படி பொறுமையாக இருந்ததை பார்த்து தான் பிரபாகரன் அவர்கள் கொரில்லா யுத்த களையை பயன்படுத்த ஆரம்பித்தார் என்று நம்மில் கித்னா பேருக்கு தெரியும்? 

என்னடா கப்பி தனமாக பொய் சொல்லி பில்ட் அப் கொடுக்குறியே என்று நீங்கள் கேட்டால்,. உங்களுக்கு நாம் தமிழர் வரலாறு, சீமானின் வரலாறு தெரியவில்லை.